תהילים
שיר תודה וזמרה לה'
סֵפֶר תְּהִלִּים פֶּרֶק ק': קְרִיאָה שִׂמְחָתִית וְנִרְגֶּשֶׁת לְכָל הָעָם לְהוֹדוֹת וְלַעֲבֹד אֶת ה' בְּשִׂמְחָה וְהוֹדָיָה, תּוֹךְ הַכָּרָה בְּטוּבוֹ וְחַסְדּוֹ הַנִּצְחִי.
1מִזְמֹור לְתֹודָה הָרִיעוּ לַיהוָה כָּל־הָאָרֶץ׃
2עִבְדוּ אֶת־יְהוָה בְּשִׂמְחָה בֹּאוּ לְפָנָיו בִּרְנָנָה׃
3דְּעוּ כִּי־יְהוָה הוּא אֱלֹהִים הוּא־עָשָׂנוּ [וְלֹא כ] (וְלֹו ק) אֲנַחְנוּ עַמֹּו וְצֹאן מַרְעִיתֹו׃
4בֹּאוּ שְׁעָרָיו ׀ בְּתֹודָה חֲצֵרֹתָיו בִּתְהִלָּה הֹודוּ־לֹו בָּרֲכוּ שְׁמֹו׃
5כִּי־טֹוב יְהֹוָה לְעֹולָם חַסְדֹּו וְעַד־דֹּר וָדֹר אֱמוּנָתֹו׃
